اخر ابداعاتي ..

الخميس، 20 مارس 2014

أماه ...بالنسبه إلي فعيدك عندي لاينتهي فهم يحتفلون بيوم واحد ولكني كل يوم ساصنع لك احتفالا من نوع خاص لايفهمه سوى اصحاب الذوق الرفيع هؤلاء الذين ينتظرون اللقاء مثلي وسأهديك هدايا لايقدرها هؤلاء الذين يهتمون بهذه الدنيا ..حتى ياتي اليوم ونلتقي سويا  حينها سيكون لقاء لايضاهيه لقاء


#تبا لعيد الأم
#أحبك أمي
#حتى ف غيابك روحك جوايا

الأربعاء، 12 مارس 2014

حسبي الله

حسبي الله ونعم الوكيل !
طب احنا ك طلبة ذنبنا اي؟؟؟
اننا نفضل عايشين مستقبل مجهول
ومش عارفين حتى نمارس اي حق لينا
كبشر طبيعي و (نتعلم)

الجواز عن حب !

الجواز عن حب من وجهة نظري !!
الناس بتقلك الجواز عن حب وجواز الصالونات
طب وهو الحب بيجي ازاي !!

الحب ال فوجهة نظرهم
شفتها استريحتلها كلمتها مرة اتنين حسيتها قريبه منك !!
وبعد كده حسيت انسجام وترابط (ف الضلمه ، وبمعاصي )
وبعد كده قعدتوا سوا فتره
وربنا مباركش ليكم ،، عشان ؟؟ خالفتوا أمره

...................
طب وجواز الصالونات
اتقدمتلها قعدت معاها مرة واتنين
حصل قبول استريحتلها قعدت معاها وكلمتها مره و التانيه
حسيتها قريبه منك حسيت ترابط انسجام
بدايات حب
اتخطبتوا (قدام كل الناس ، ورضا للخالق )
قدام كل الناس بقت ليك

يبقى ايهم جواز عن حب بجد؟!
اصلا ديننا محرمش الحب والحب الحلال احلى من جواز الحب ال بتقولوا عنه

#خواطر لي

التسامح طاقه


التسامح طاقه
بلاش تجرح وتهين فالي قدامك عشان بيسامحك!!
ومتفتكرش ان رد فعله بانه يسامحك سهل
ولا ان طيبته هتخليه يسامحك مهما حصل
افهم حاجه واحده ان التسامح ده طاقه
بتجي عند حد معين وبتخلص !!
وساعتها .. هتشوف حد تاني
وهتندم بإنك ضيعت حد كان معاك كده فيوم !!!

وحشتيني أوي بجد

عارفه يا أمي كل ما بعبر عن حبي ليكي
بيقولوا كل واحد بيشوف (مامته ) كده
بس انا مش متحيزة ولا عشان ( أمي )
عاوزة اقلهم شوفوا حب كل الناس ليها
كل الناس فاي مكان كانوا بيحبوكي
حتى لما روحتي نظراتهم كلها اسف وتعجب!
عارفه حتى ال بيسمع عنك
ببقى كان نفسه بس يشوفك
وال اكتر من كده انا شفت امهات مع اولادهم
مشفتش زيك ف حنانك وطيبتك واسلوبك
ومش عشان أمي :(
إنتي حاله صعب تتكرر بجد
انا عارفه انك شيفاني
وعاوزة اقلك متزعليش مني
سامحيني عشان كنت بدلع بزياده
او اعمل حاجه تزعلك
ومع ذلك مكنتيش بتقدري تزعلي دقيقه
كان نفسي استخبى جوا حضنك دلوقتي !
بس أملي فربنا كبير انه يجمعني بيكي

#يارب اكون زيك فقلبك وطيبتك وقبولك
#بحبك أوي يا أمي
#ربنا يغفرلك ويرحمك

LinkWithin

Related Posts Plugin for WordPress, Blogger...