مش لازم تصقف (تلمع طناجر على كل شئ ) عشان تكون محبوب خليك صريح فاراءك ال بتديها للناس عشان ده اكيد بياثر فيهم فمينفعش فلان يعمل شئ مش داخل دماغك وتقله واو والله ومش معنى كده انك بتقلل منه بالعكس ده انت بتقدر مجهوده وعشان كده بتقيمه بصراحة .. ومش لازم رأيك يبقى صح لأن ده مجرد رأي شخصي مش معيار للصح والغلط :)

أوقات الدنيا بتتعبنا وبنبقى مش قادرين نواصل بس لو مواصلناش هنقع فبنضطر اننا ندوس على نفسنا لحد مانجيب اخرنا ونتعب بجد :'( :-(
#احساسي_دلوقتي

اكتشفت ان الانسان لازم يحدد حلمه اي عشان يشتغل ويحاول يوصله وانه مينفعش يسيبها تجي بالبركه لأن نسبة نجاح الانسان ال كان مخطط لحلمه وبيبنيله طوبه ورا طوبه اكبر بكتير من نسبة نجاح الشخص ال بيسيبها بظروفها ويقلك اي ال يجيبه ربنا خير هو ال يجيبه ربنا خير اكيد بس اشتغل وخد بالأسباب

#نصيحة خلي عندك حلم وخطط لمستقبلك
#عن تجربه

انك تحكم على الناس سماعي من غير تعامل يبقى انت مجرد انسان تافه وسطحي وكويس انك متعاملتش مع ال حكمت عليهم لانهم مش هيتحملوا عقلية ساذجه زي عقليتك !! لأن السماع ده لتكوين صورة اولى لتتمسح لتثبت غير كده فهو لايعني شئ

انت ممكن تكون بتعمل كل شئ ياهلك لحاجه معينه ومدام عملت اكيد هتاخد الحاجه دي بس لو انت مكنش عندك اخلاص فالنية وانت بتعملها ربنا مش هيباركلك فيها متعيش عشان نفسك وبس عيش وفبالك انك بتعمل كل شئ عشان ترضي ربنا وعشان هدف اسمى من شهوات النفس وامانيها والدنيا الفانيه
‫#‏استشعر‬ النية عشان تاخد ال بتتمناه واكتر