.
حيرتني وحيرت قلبي معاك
بسهر ليالي وانت شاغلني بهواك
وبقول لبكرة تعالى يمكن بالوقت انساك
بضحك على نفسى وانا معاك
وبقول ان الدنيا بخير وانا وياك
بس حياتى من غيرك بقت اصعب من وانا بهواك
في هواك عشت الحيرة وياما وجعت قلبي معاك
خلتنى اقول للناس نسيتك وانا لسه فاكراك
اسهر واقول ده فاكرني اتاريك ولاشئ فبالك
ولا يوم بتفتكرني ولاحتى باجي في خيالك
بحب همس شفايفك وحجات كتيرة فيك
وانا كل يوم سرحانه بفكر فى سحر عنيك
عماله اقول فبالي بحبك وبحب الهوا اللى حواليك
واتمنى يوم رجوعك واعيش العمر ليك
جربت انى اكرهك واكره الايام
واحاول انسى اني قابلتك يا اغلى انسان
لكن حبك جوايا هز القلب والكيان
خلانى انسى غدرك واعيش فى عالم الاحلام
بفكر انى ارجعلك واكون ليك زى زمان
وارجع وافوق من تاني وافتكر غدرك زمان
واقول لنفسي ازاي ..ازاي باقيه عليه ؟؟
مع انه قلب باعك وسلمك لشط النسيان
زادني كلامهم حيره معرفش اعمل ايه ؟؟
بيقلولي الحقيقه ولا حاقدين عليه ..؟؟
.
ليست هناك تعليقات:
إرسال تعليق
رأيك يهمني