نبض القلوب: نوفمبر 2011

الأربعاء، 30 نوفمبر 2011

احساس مر اوي ،،

لما تلاقي والدتك تعبانه ،،
ومش عارفه تعملها اي،،
وقاعد قلبك بيتقطع ،،
وهي عماله تردد هموت ،، هموت
انت بتضحك ،، بس من جواك خايف
لا انت من جواك مرعوب ،، مش خايف بس
حاسس ان لا ،، الحياة متنفعش من غيرها
لسه ،، لسه فالعمر كتير ،، وانت محتاجها
مش اعتراض ع القضاء
بس نفسك بتكلمك بكده
هو انا اه مطمنه انها هتبقى بخير
وانها وعكه صحية بس ،،
ده مش مانعني اني اخاف ،،
بجد مش قادرة اتحمل ،،
مش قادرة اتحمل المها ،، وانا زي المشلوله
معرفش اعمل اي
مش عارفه بجد

يااااااااااااااااارب اشفيلي امي
انت العالم باحوال عباددك
وانت العالم اد اي هي بتتعذب من الوجع
وانت الكريم واللطيف ،، والقادر ع كل شئ
يارب اشفيلي امي ،، يالطيف ،،

عارف
اوقات بقعد اتخيل فيك ،، واتخيل نفسي وانا حامل
وانا وانت عمالين بنتخانق هنسمي ايه
واحلى حاجه كل ما اقلك عاوزاه/ا شبهك
تقولي لا انا عاوزه/ا شبهك انتي
عاوز اشوفك فيه/ا
وانا اقلك لا شبهك انت
واقعد ابحلق فيك وانا حامل
عشان يطلعو شبهك
ونفضل نتخانق وفالاخر انت الي تغلبني
عشان اصلا عطول فاي نقاش انت ال بتفوز
وانا بستسلم ،، لان مجرد وجودك ،، وهمسك
بيسحرنيـــ

♥

الثلاثاء، 29 نوفمبر 2011

يتعجبون مني

،، من مزاجيتي المزعجه ،، اوقاتا هادئة ،، واوقات ،، اثور غضبا
وكل ساعة بحال ،، لا احد منهم يدري لما ،، او كيف ؟؟
لا احد منهم يعلم اي سبب،، فقط يدعوني بالمزاجيه ،، بالجنون
معذورون فهم لا يعلمون أني في وجودك ،، سعيدة إلى أقصى حالات السعاده
وفي غيابك كالمشرده ، أحزن بلا سبب ،، أغضب لاتفه الاسباب
عذرا فأنا معه مارست كل دروب الجنون <3

الاثنين، 28 نوفمبر 2011

شخبطات 2

سأبتسم ،، رغم مرارة الاحاسيس ،، بداخلي ،،

انا ،،
زي فراشة طايرة ،، اوقات جناحها بينكسر ،، واوقات بتطير وتملى الدنيا امل ،،

عندما قالو أن جرح القلوب يذبح ،، لم أكن أدرك ذلك

فقط ادركته الآن ،، عندما جرح قلب ،، وشعرت بكافة أرجائي تتمزق

متيمه

حبيبي ،، في عشقك أنا متيمه ،، عصفور خرج من عشه ليبيت بين أحضان محبوبه ،،

أنثى تأبى برجل سواك ،، يتيم يتيه فالدنيا إلى أن يجد ملجأ ولا ملجأ له غيرك ،،

محتاج قبل أن يتحمل برودة الشتاء إلى أن تأتي أنت لتملأه بالدفء والحنان

معشوقي ،، فراشة أنا في حبك

متفانية معك ومتواضعه لاقصى الدرجات،، لانك مني

وبك أنا في غاية كبريائي ،، غاية أنوثتي

حبيبي اجعلني أبقى معك ،، احيا وسط ذراعيك

فو الله ما احببت نفسي ،، مثلما أحببتها معك

وما توحدت مع روحي سوى بك

عشقي انت من سيبقى ابد الدهر داخلي

أنت اي شئ وكل شئ عندي

أنت أنشودة عشقي الباقيه إلى أبد الدهر

احيانا نظن للحظه اننا اكتسبنا الخصوصيه في حياة احدهم،،

ثم ياتي يوم ونعود لمفترق طريق لنجدنا ،، مجرد عوام ،،

تعرفو إلينا ،، ومزحو معنا لوقت ،، ثم ملوا منا

اني أحب فلان

وبتجي سعات واحس الالم ملى عليا حياتي ،، ونبض قلبي بطئ ،، بحس ان نفسي فاي احساس بيا،، قلب يطبطب
وساعتها مش بلقى غيري ،، اقصد من الناس ،، واخر مابزهق بقول وانا مالي بالبشر
وهما ليه هيحسو بيا ،، وكل حد عنده حياته،، اماله ،، طموحاته ،، مهما كان قربك منه
هيجي اليوم ويبعد،، يبعد ؟،، يبعد،،

لكن احلى شئ انك تقرب من اكتر حد جمبك وجمب غيرك وغيرك وغيرك
فنفس الوقت
عمره ما انشغل عنك ،، دايم بيدبرلك امورك ،، بيرزقك
بيسعدك ،،

وهو معاك تبعد وترجعله برده معاك ،،
بس اوعى تطول البعد لانك لو مت وانت بعيد هتتعذب
عارفين لو قربنا من ربنا اكتر واكتر
واطعناه ،، هينادي جبريل فالسما
اني حب فلان ،، هيحبه كل اهل الارض جميعا

عاوز تبقى محبوب .؟؟ بين الناس ؟؟
حب ربنا بجد ،، اعمللاخرتك
عيش يومك كانك ميت بكرة
وربنا هيحبك ،،
عارف لو ربنا حبك؟؟

كل الي في الارض هيحبك ،،
كل الي في الارض
اه كل الي في الارض

شوف الرسول بيقولنا اي،،

عن أبي هريرة رضي الله عنه, أن رسول الله صلى الله عليه وسلم قال: "إن الله إذا أحب عبدا دعا جبريل. فقال: إني أحب فلانا فأحبه قال: فيحبه جبريل, ثم يوضع له القبول في الأرض. وإذا أبغض عبدا دعا جبريل عليه السلام, فيقول: إني أبغض فلانا فأبغضه. قال: فيبغضه جبريل, ثم ينادي في أهل السماء إن الله يبغض فلانا فأبغضوه, ثم يوضع له البغضاء في الأرض". رواه البخاري ومسلم

قال تعالي في الحديث لقدسي ((فإذا أحببته كنت سمعة الذي يسمع به وبصرة الذي يبصر به ويده التي يبطش بها ورجله التي يمشي بها وإن سالني لا عطينة ولئن استعاذني لا عيذنة وما تردد عن شي أنا فاعله ترددي عن نفس المؤمن يكره الموت وأنا أكره مساءته )) رواه الخاري

شفتم لو قربنا من ربنا هنكسب من كل اتجاه ،، هنحبه،، هنطيعه
وهو هيحبنا ،، وكل من في الارض هيحبنا
ده غير جزاء عملنا الصالح
لان لو عاوزين نقرب من ربنا ولو فعلا بنحبه مش هنعصيه

شوفو الفضل ؟؟ شفتو النعمه

اللهم اجعلني ممن ينادي جبريل باسمهم ( اني احب فلان))

ليه بنبص من بره؟؟

سعات بنشوف حياة ناس سعيده جدا

تحركاتهم ،، ضحكاتهم ،، همساتهم

بتخلينا من جوانا نقول اد ايه هما سعدا
اد اي تحس عندهم حجات مش عند اي حد
كاريزما مميزه ،، كل حاجه
بس مهما وصلت معرفتك لشخص من بعيد عمرك ماهتعرف بجد
جوا حياته ايه، الدنيا عامله ايه معاه؟؟
هو نفسه عانى اد ايه،،
واد ماهتعيش فالدنيا ، اد ماهتتاكد ان كل شخص بيضحك ومعظم اوقاته مرح
اد ايه حياته من جوا مليانه الم ،، وهو بهرب من جوا الالم بابتسامه رضا
بضحكه يطغي بيها عالي جواه
مش قاعده عامه بس غالبا ،، بسعد كل الي حواليه
مش عاوز يحسس حد بالمه ولا يشوف حد بيتالم زيه
الدنيا دي عامله زي حلبة كبيره
بنقابل ناس نعرفهم سطحي وبنتمنى نقرب
وناس بنقرب ،، وناس مش بنتقبلهم
مش عشان الناس دي هم دول
او هم وحشين ،،

انا سمعت كلام من حد عاقل اوي وجميل اوي

بيقول ان الناس كلها زي بعضها

فاحساسها فمشاعرها

بس نمط معيشتهم بيغيرهم
بيخلي ده كده وده كده وده كده
مجتمع محيط وبياثر وفي الي المجتمع بيخبط فيهم
ومن جواهم ببقو بيض لاقصى درجه
كلنا مخلوقين فينا الحلو
وفينا الوحش وحسب توجيهنا لده ولده بنكون،،
حاسه اني جاهله في حجات كتير حواليا

الجمعة، 25 نوفمبر 2011

فقط وحدي !^

عجيبة أنا
غريبه عن هذا العالم
لي تفاصيل مختلفه ،،
لا أشبه أحدا ممن به
فأنا هي أنا
بأناقتي ،، برونقي
بأسلوبي الذي لايمتلكه سواي
أميرة أنا على العرش
ولايوجد أي منافس لي
فقط وحدي من تملك صفاتي
وحدي من تكون كفراشة
بين أوراق الزهور
أزرع أملي هنا وهناك
لتستنشقه القلوب
وحدي أنا حبيبي
من تملك قلب كقلبك

عد عندي

حنيني إليك فاق الحدود
وروحي بدونك صارت رفات
أيا قلبا ملك عمري
تعالى إلي واغمرني
وجمع كل أرجائي
فمن دونك أنا أشلاء
أنا مسكينه أبكي
على الأطلال وأغني
وياليتك هنا عندي،،
ترى في البعد ماحالي
فقد قطعتني إربا
تعالى إلى لملمني
وعد عندي أنا ملكك
دع الأيام تجمعنا ،،
وعد عندي

الاثنين، 21 نوفمبر 2011

غريبة أنا ،،

غريبه هي الأنا،،
في غيابك أثور ،، أغضب ،، أتألم
أعلن اعراضي عنك

ولحظة حضور منك ،،
تمحي كل هذا ،، لتعود ابتسامتي
فور أول حديث لي معك ♥

كله برضا الله

عارف
انا حبيتك بجد
وبعيد عنك اتالمت اصعب الم
وكل ماتبعد كل مابتالم
بس تفتكر بعديي عن ربنا هيالمني اكتر ولا ايه؟
... عارف بقعد افكر فيك كتير اوي
وياه لما اشوفك قدامي او اسمع صوتك بتجن بجد
ببقى نفسي اقلك بحبك
وبقولها وبنكون سوا
بس تفتكر ده شئ حلو
احيانا ببقى عاوزة اقلك تعالى نبعد
احس البعد صعب
سعات مبتقبلش حجات منك
بس برضى بيها عشان مزعلكش
المفروض اخاف ربنا اكتر ماخاف زعلك
لاني لو خفت ربنا هترضى انت فيوم
لو خفت ع زعلك
انا متاكده ان فيوم انت هتشوف اني كنت صح
وهتغضب عليا ،، ويمكن تسيبني
نفسي حبي ليك يبقى فحدود خوفي عليك
خوفي عليك خوف حقيقي ((خوف من النار وعذابها ومن المعاصي ))
خوفي من ربنا ،، ليغضب علينا
تفتكر ربنا هيبارك ف حب مخالف لشرعه
طب ما اقلك
ايه رايك نبعد ونحب بعض تبع شرع ربنا

طب اقلك انا عارفه انت هتقول ايه فسرك
اني متقلبه اوقات اقلك حياتي من غيرك وحشه
واوقات اقلك رضا ربنا ،،
طب انت عارف ان كل مؤمن الايمان متقلب جواه
بيطلع وينزل ،، مش انا بس

اقلك حاجه تانيه انا عمري ماهطمن
غير لو رضينا ربنا واتقيناه فحبنا
لاني واثقه انه هيقف جمبنا لو احنا اتقيناه وهيجمع بينا
انما لو لا يبقى مندعيهوش لاننا مش اطعناه

وكم أتمنى الرجوع

وكم أتمنى الرجوع ،،

إلى عمر كنت فيه طفله ،،

دون أي ذنوب

إلى زمن كنت فيه

أبيه ،، خاشعه لربي رضيه

وكم أتمنى الرجوع إلى ربي

إلى حياتي التي كانت

إلى بساطتي وعفويتي القديمه

وكم أتمنىالرجوع

السبت، 19 نوفمبر 2011

لو يجي اليوم ده؟؟

ياااااه ياحبيبي
لو يجي اليوم ده
وانا ماسكه ايدك ومانكجاك كده
وكل الناس عماله تبص علينا
وكل حد يشوفنا يهمس للي جمبه
ويقولو الله لايقين ع بعض اوي
ويتمنو يتجوزوا حد لايق لهم زي ما احنا لايقين لبعض
منا وانا معاك كل ملامحي هتبين فرحي
وهبقى طايره فالسما
وطبيعي كل الناس هتلاحظ فرحتي دي
ويقعدو يحسدو فيا عليك
وهيحسدوك برده عليا
اه عشان مش تتغر:P
يومها ياحبيبي هيبقى اسعد يوم فحياتي
هيبقى اسعد يوم فحياتك برده
ايون رخامه ،، :P
سامعاك بتقولها اهو ،،
ربنا يخليك ليا يارب ونحقق اليوم ده قريب